14 साल उम्र तांई रा खिलाड़ियां री राज्य स्तर री 68वीं टेबल टेनिस होड़ रो गुरूवार ने जालौर रा शाह पूंजाजी गेनाजी स्टेडियम मांय सांसद लुंबाराम चौधरी उद्घाटन कीनो। होड़ मांय 35 ज़िलां रा खिलाड़ी सिरकत कर रह्या है। ईं मौके सांसद कह्यो के खेल ने खेल भावना ऊं खेलणो चाहिजे। राज्य स्तर री 68वीं बास्केटबॉल होड़ ई आज बाड़मेर रा आदर्श स्टेडियम मांय सरू व्ही। होड़ मांय न्यारा-न्यारा ज़िलां री 100 ऊं बत्ती टीमां सिरकत कर रही है। 14 साल उम्र तांई रा खिलाडियां री राज्य स्तर री 68वीं क्रिकेट होड़ ई आज झालावाड़ रा विजयाराजे सिंधिया राजकीय खेल संकुल मांय सरू व्ही। होड़ मांय प्रदेश रा सगळा ज़िलां ऊं करीब 1 हजार 200 खिलाड़ी सिरकत कर रह्या है।