प्रदेश मांय गुरूवार ने नागौर, करौली, सीकर अर बीकानेर जिलां मांय कठे-कठे शीतलहर रा हालात रह्या। मौसम केन्द्र जयपुर रे मुजब सीकर जिला रा फतेहपुर मांय 2 दशमलव 8 डिग्री सेल्सियस न्यूनतम तापमान दर्ज करी ज्यो। 14 ठोड़ां आज न्यूनतम तापमान 7 डिग्री सेल्सियस ऊं नीचे रह्यो, जदके लारला 24 घंटां मांय दिन री बगत तापमान औसतन 25 डिग्री सेल्सियस ऊं नीचे रह्यो। शेखावाटी हलका मांय कठे-कठे काल ई शीतलहर रा हालात रेहवण रा आसार है। जयपुर अर सवाईमाधोपुर मांय आज आखा दिन सीळो बायरो बाजतो रह्यो।