प्रदेश मांय केई ठौड़ां ज़ोरदार ठारी पड़ रही है। मौसम विभाग रे मुजब शुक्रवार ने सिरोही ज़िला रा माउंट आबू मांय न्यूनतम तापमान 2 डिग्री सेल्सियस दर्ज करी ज्यो। दौसा, करौली, सीकर जिला रा फतेहपुर अर हनुमानगढ़ ज़िला रा संगरिया मांय शीतलहर रो असर रह्यो। चूरू, अर श्रीगंगानगर मांय ई पारो 6 डिग्री सेल्सियस ऊं नीचे रह्यो। हनुमानगढ़ अर भरतपुर मांय संवारे मोड़ा तांई घणी धुंअर रही। मौसम महकमा रे मुजब बीकानेर, जयपुर अर भरतपुर संभाग रा कुछ हलकां मांय काल हल्की बारिश व्हेवण अर कठे-कठे ओला पड़बा रा आसार है।