प्रदेश मांय थावर ने खरीफ क्राॅप डिज़िटल सर्वे सरू कर्यो जावेला। राजस्व मण्डल रा रजिस्ट्रार महावीर प्रसाद आ जाणकारी दीनी। वे बतायो के ओ सर्वे राज्य रा सगळा ज़िलां री तहसीलां अर राजस्व गांवां मांय आॅन लाइन तरीका ऊं कर्यो जावेला। डिजिटल क्राॅप सर्वे रा तैत प्रदेश रा चार करोड़ 62 लाख ऊं बत्ता खसरां री नियमां रे मुजब गिरदावरी करी जावेला। सर्वे सारु खेती लायक दो करोड़ 86 लाख खसरां री पिछाण करी ज्यी है। बाकी खसरां मांय सरकारी ज़मीं अर गैर-खेती री ज़मीं री ई-गिरदावरी करी जावेला। राजस्व मण्डल रा रजिस्ट्रार बतायो के राज खसरा गिरादवरी मोबाइल एप ऊं आॅन लाइन गिरदावरी रो सुबीतो दियो ज्यो है। ध्यानजोग है के सर्वे ऊं मिलण वाळ जाणकारी साखां री उपज रो आकलन करण सागे नीति बणावण, पीएम फसल योजना अर प्राकृतिक आपदा राहत समेत न्यारी-न्यारी योजनावां सारु बुनियाद रो काम करेला।