प्रदेश मांय एग्रीस्टैक योजना 5 फरवरी ऊं लागू व्हेला। इण रे तैत काश्तकारां ने फार्मर रजिस्ट्री आई.डी. बणवावण मांय मदद करी जायेला। काश्तकारां ने डिजिटल रूप ऊं समर्थ बणावण कानी आ एक महताऊ पहल करी ज्यी है। इण सारू सगळा जिला मांय शिविर लगाया जायेला। योजना रे तैत हर पंजीकृत काश्तकार रे 11 अक्षरां री खास फार्मर आईडी दी जायेला। एग्रीस्टैक योजना ऊं काश्तकारां ने केई फायदा ई मिलेला। इण मांय पी.एम. किसान सम्मान निधि किश्त रो सरल भुगतान, फसल बीमा रो फायदो, फसल खराबा री हालात मांय बेगी पिछाण अर सरकारी भाव माथे खरीद सारू स्वचालित पंजीकरण भेळा है। इण रे साथे ई केन्द्र सरकार री महत्वांकाक्षी योजना, किसान क्रेडिट कार्ड योजना समेत न्यारी-न्यारी कल्याणकारी योजनावां तांई काश्तकारां री पहुंच ने सरल बणावेला।