पोषण महीना रे दौरान राजस्थान मांय न्यारा-न्यारा कार्यक्रम राख्या जा रह्या है। महिला अर बाल विकास विभाग री सचिव शुचि त्यागी अहलकारां ने छह भांत रा कामां माथे आधारित ईं अभियान रा तैत शरीर मांय खून री कमी री जाँच करण सारू कह्यो। वे आंगनबाडी केन्द्रां मांय कर्या जावण वाळा रोजीना रा कामकाज री जाणकारी जनआंदोलन डेशबोर्ड माथे अपलोड करण बाबत् ई कह्यो। आईसीडीएस रा निदेशक ओ पी बुनकर 7वां राष्ट्रीय पोषण माह री सरूआत रे मौके बाल विकास परियोजना रा तैत जयपुर रा मुरलीपुरा मांय आंगनबाड़ी केंद्र रो दौरो कीनो। वे “एक पेड़ मां के नाम “ अभियान रा तैत पौधा रोप्या अर पोषण माह रैली ने हरी झंडी बता र रवाना कीनी। प्रदेश रा दूजा जिला ऊं ई पोषण जागरूकता कार्यक्रम राख्या जावण रा समाचार है। हनुमानगढ मांय जिला कलेक्टर कानाराम कलेक्ट्रेट परिसर ऊं पोषण जागरूकता रैली ने हरी झण्डी बता र रवाना कीनी। ईं मौके पोषण थीम माथे रंगोली ई बणायी ज्यी।