पैली रा प्रधानमंत्री अटल बिहारी वाजपेयी री सौवीं जयंती बुधवार ने सुशासन दिवस रा रूप मांय मनाई जावे। ई मौके राष्ट्रपति द्रौपदी मुर्मू, उपराष्ट्रपति जगदीप धनखड़ अर प्रधानमंत्री नरेन्द्र मोदी दिल्ली मांय सदैव अटल स्मारक माथे पुष्पांजलि अपर्ण कर ने वां ने श्रद्धाजंलि दी। गृह मंत्री अमित शाह अर लोकसभा अध्यक्ष ओम बिरला समेत केई केन्द्रीय मंत्रियों अर नेतावां अटल बिहारी वाजपेयी ने श्रद्धांजलि अर्पण करी। ई मौ सुशासन री शपथ लीरीजी अर अटल बिहारी वाजपेयी रा सिद्धांतां माथे चालण रो संकल्प करी ज्यो। वठे ई प्रदेश मांय न्यारी-न्यारी ठौड़ां पैली रा प्रधानमंत्री अटल बिहारी वाजपेयी री जयंती माथे न्यारा-न्यारा कार्यक्रम व्ह्या। जयपुर मांय भाजपा मुख्यालय माथे व्ह्या कार्यक्रम मांय पार्टी रा प्रदेश अध्यक्ष मदन राठौड़, मुख्यमंत्री भजनलाल शर्मा, सांसद घनश्याम तिवाडी अर पार्टी रा ठावां नेतावां श्री वाजपेयी ने श्रद्धांजलि अर्पण करी। ई मौके पैली रा प्रधानमंत्री रा जीवन दर्शन माथे लगायी ज्यी चित्रांम नुमाईश ने ई लोगां देख्या। उठिने उधर डूंगरपुर जिला प्रशासन कानी ऊं ई मौके अटल विचार संगोष्ठी अर सुशासन रैली आयोजित करी ज्यी। चूरू, करौली, श्रीगंगानगर, पाली अर पुष्कर मांय ई पैली रा प्रधानमंत्री श्री वाजपेयी ने सिरधा रे साथे याद करी ज्या। दौसा ज़िला कलेक्ट्रेट मांय सुशासन दिवस रे मौके नुमाईश लगायी ज्यी अर सुशासन री शपथ दीरायी ज्यी। भरतपुर ज़िला कलेक्ट्रेट परिसर मांय पैली रा प्रधानमंत्री अटल बिहारी वाजपेयी री मूरत रो ज़िला कलेक्टर अनावरण कर्यो।