पैगंबर मोहम्मद रा नवासा हजरत इमाम हुसैन री शहादत रो प्रतीक मुहर्रम शुक्रवार ने अकीदत अर एहतराम रे साथे मनायो जा रियो है। इण मौके माथे शहीदां री याद मांय जुलूस रे साथे ताज़िया निकाळ्या जा रिया है। ई ने कर्बला मैदान मांय परम्परागत रीत सूं सुपुर्द-ए-खाक कर्यो जा रियो है। इण सूं पेल्या प्रदेशभर मांय मुस्लिम बाहुल्य इलाकां मांय मजलिसां अर धार्मिक सभावां राखीज्यी। जयपुर रा रामगंज, दिल्ली रोड़ अर चार दिवारी खेतर मांय जगह-जगह लंगर अर पाणी री छबीलां लगाई ज्यी। अजमेर मांय मुहर्रम रे मौके माथे खासो उच्छास देख्यो जा रियो है। ख्वाजा मोईनुद्दीन हसन चिश्ती री दरगाह माथे फातिहा पढी।