पारो उतरण सागे हवा मांय गंदगी रो लेवल ई बधतो जा रह्यो है। राज्य रा 15 ऊं बत्ता खास शहरां मांय हवा री गुणवत्ता खराब मिली। केंद्रीय प्रदूषण नियंत्रण मंडल री ओर ऊं गुरूवार ने जारी रपट रे मुजब प्रदेश रा केई शहरां मांय वायु गुणवत्ता सूचकांक-एक्यूआई 200 ऊं बत्तो मापी ज्यो। टोंक मांय सब ऊं ऊंचो औसत एक्यूआई 333 दर्ज करी ज्यो। भीलवाड़ा मांय ई वायु गुणवत्ता सूचकांक 291 दर्ज करी ज्यो। राजधानी जयपुर मांय 274, चूरू मांय 265, झालावाड़ मांय 262 अर भिवाड़ी मांय एक्यूआई 261 मापी ज्यो। बारां, बीकानेर, बूंदी, चित्तौड़गढ, हनुमानगढ, कोटा, नागौर, सवाईमाधोपुर अर सीकर मांय ई हवा मांय गंदगी रो लेवल बत्तो रह्यो। ईं बीचे बारां जिला रा सकतपुर मांय गैर कानूनी तौर ऊं पराली बाळबा रा आरोप मांय 2 किसानां रे खिलाफ मुकदमो दर्ज कर र वां ने आगे पराली नी बाळबा सारू पाबंद करी ज्या।