आथूणी विक्षोभ रा असर ऊं तीन-चार दिन चाल्यो आंधी अर बिरखा रो सिलसिलो अबै थम ग्यो है। लारला 24 घंटां मांय बीकानेर अर झुंझुनूं मांय हल्की बिरखा व्ही। वठे ई आठ ऊं बत्ती शहरां मांय पारो 34 डिग्री सेल्सियस ऊं ऊपर दर्ज करी ज्यो। डूंगरपुर अर चित्तौडगढ मांय दिन रो तापमान 35 दशमलव 3 डिग्री सेल्सियस मापी ज्यो, जो सामान्य ऊं कोई दो डिग्री बत्ती है। मौसम केन्द्र जयपुर मुजब प्रदेश मांय मौसम साफ रहवण अर तापमान मांय 2 ऊं 3 डिग्री सेल्सियस री बढवार री आश है।