पद्म पुरस्कार 2026 सारू थावर ने ऑनलाइन नामांकन सरू व्ह्या।
आवता साल गणतंत्र दिवस रे मौके ऐलाण कर्या जावण वाळा पद्म पुरस्कार-2026 सारू नाम दाखिल करण रो काम थावर ने सरू व्हे ग्यो। ईं सारू नामांकन री आखिरी तारीख 31 जुलाई है। पद्म पुरस्कारां सारू केवल राष्ट्रीय पुरस्कार पोर्टल रे जरिये ऑनलाईन तरीका ऊं ई अर्जी दी जा सके है। पद्म विभूषण, पद्म भूषण अर पद्मश्री, देश रा मोटा नामी नागरिक पुरस्कार है। अ पुरस्कार खास कामां ने मान्यता देवण री कोशिश करे है। पद्म पुरस्कार कला-साहित्य, शिक्षा, खेल, चिकित्सा अर सामाजिक कामां समेत न्यारा-न्यारा हलकां मांय असाधारण उपलब्धियां सारू दिया जावे है। जाति, कारोबार, ओहदा या लिंग रा भेदभाव बगैर हर कोई आं पुरस्कारां सारू अर्जी दे सके है, हालांकि डॉक्टर अर वैज्ञानिक रे अलावा सरकारी कर्मचारी पद्म पुरस्कारां सारू अर्जी नी दे सके है।