नौ दिन तांई चालण वाळा उपासना रे पर्व शारदीय नवरात्र री सरूआत काले सूं व्हेला। नवरात्रा थापना न ले र राज्यपाल हरिभाऊ बागडे अर मुख्यमंत्री भजनलाल शर्मा प्रदेशवासियां ने शुभकामनावां दी है। नवरात्रा परव न लेर प्रदेश रा न्यारा-न्यारा जिला मांय तैयारियां जोरा माथे है। पाली मांय दुर्गा माता री माटी री मूर्तियां बणावण खातिर आमजण मांय खासो उच्छास है। साथे ही 150 सूं बत्ती जगावां माथे मंदिरां अर गरबा पंडालां ने फूलां अर सोवणी लाईटां सूं खास सजायो जा रह्यो है।