नेताजी सुभाष चंद्र बोस री जयंती गुरूवार ने देशभर मांय पराक्रम दिवस रा रूप मांय मनायी जा रही है। इण मौके प्रदेशभर मांय केई कार्यक्रम कर्या जा रह्या है। अजमेर रा नसीराबाद, भरतपुर अर डूंगरपुर मांय रैली काड़र नेता जी ने सिरधांजली दी गई। बांसवाड़ा मांय कांग्रेस पार्टी कार्यालय मांय नेताजी री तस्वीर माथे माला चढ़ाई गयी। झालावाड रा पी.एम. श्री केन्द्रीय विद्यालय मांय जिला स्तरीय प्रश्नोत्तरी होड़ राखी गयी जिण मांय केई स्कूलां रा करीब 100 पढ़निया भाग लिना। वठिने पाली रा सादड़ी रा स्कूल मांय पढ़नियां नेताजी रा चित्र माथे फूल चढ़ार वांने याद कर्या। झुन्झुनू रा सुभाष पार्क मांय कार्यक्रम राख र लोगां ने नेता जी रा किस्सा सुणाया गया। दौसा रा आदर्श विद्या मन्दिर मांय बाल मेळो लगायो गयो। इण बाल मेळा मांय ं संस्कृति अर परम्परावां री सजीव झांकियां दिखायी गयी।