देश मांय पाणी रा प्रबंधन, इण ने बचाव अर ईं री लगातार उपलब्धता तैय करण बाबत् जाग जगावण रा मकसद ऊं नीति आयोग री ओर ऊं बुधवार ने जल उत्सव री सरूआत करीजी। 15 दिन रो ओ उत्सव 24 नवंबर तांई 20 आकांक्षी जिलां अर प्रखण्डां मांय मनायो जा रह्यो है। नीति आयोग रे मुजब एक पखवाड़ा रे दौरान खास लोग अर स्थानीय नेता जल बंधन संकल्प दिरावेला अर जल संपदा रा बारा मांय तथ्यात्मक जाणकारी दी जावेला। राज्य मांय ई हनुमानगढ़ जिला मांय संगरिया ब्लॉक रा बोलांवाली गांव मांय उच्च जलाशय माथे पवित्र डोरो बांध र ‘जल बंधन‘ उत्सव री सरूआत करीजी। ईं मौके जिला कलेक्टर कानाराम जनता ने जल उत्सव री शपथ दिराई। इण मांय जल संसाधन बणाया राखण अर वां री हिफाजत रो संकल्प करी ज्यो, ताकि पाणी रो बुद्धिमानी ऊं लगातार उपयोग तैय कर्यो जा सके। जिला कलेक्टर आकाशवाणी ने बतायो के संगरिया ब्लॉक मांय पाणी बचावण रा बारा मांय जाग जगावण सारू 15 दिन तांई भांत-भांत रा कार्यक्रम राख्या जावेला।