स्वास्थ्य मंत्री जेपी नड्डा अर केंद्रीय मंत्री जितेंद्र सिंह समेत भाजपा रा केई नेतावां अर कॉकरोच जनता पार्टी-सीजेपी रा नुमाइन्दां बीचे शुक्रवार ने नई दिल्ली मांय दूजा दौर री मीटिंग व्ही। न्यारी-न्यारी परीक्षावां मांय कथित गडबड़ियां रे खिलाफ नौजवानां री अगुवाई मांय कर्या जा रह्या विरोध प्रदर्शनां बीचे आ बातचीत करी ज्यी। सीजेपी रा नुमाइन्दा सौरभ दास, आशुतोष रांका, अभिजीत दिपके अर दीपक बलियान शांति सागे प्रदर्शन करण वाळां रे खिलाफ कोई कानूनी कार्यवाही नी करण अर हाल ही मांय व्ही परीक्षावां मांय गड़बड़ियां रो नुकसाण झेल रह्या विद्यार्थियां रा पिरवारां ने मुआवज़ो देवण री शर्ता सरकार कानी ऊँ मान्यां पाछे बातचीत री सहमति जताई। खबरनवीसां सागे बातचीत करता थकां स्वास्थ्य मंत्री जे.पी. नड्डा कह्यो के सरकार थावर ने प्रतिनिधिमंडल सागे एक और दौर री चर्चा करेला।
000