नामी गोगामेड़ी मेळो सोमवार ने सरू व्ह्यो। पशुपालन अर देवस्थान मंत्री जोराराम कुमावत मेळा री विधि पूरण सरूआत करी। ई मौके श्री कुमावत कह्यो के मेळा मांय आवण वाळा श्रद्धालुआं री सुविधावां रो पूरा ध्यान रख्यो जायेला। ई मौके भादरा विधायक संजीव बेनीवाल, जिला कलेक्टर, पुलिस अधीक्षक, समेत न्यारा-न्यारा अहलकार अर जन नुमाइन्दा मौजूद रह्या मेळा मांय कोई 40 लाख ऊं बत्ती श्रद्धालुआं रे आवण री आस है। वठे ई डीडवाना-कुचामन ज़िला रा परबतसर मांय भरीजण वाळां राज्य थर रा वीर तेजाजी पशु मेळा री राज्य मंत्री विजय सिंह चौधरी झण्डो चढा़ र सरूआत करी। मेळा मांय न्यारा-न्यारा सांस्कृतिक कार्यक्रमां रे साथै पशु होड़ा ई व्हेला।