केन्द्रीय सामाजिक न्याय अर अधिकारिता मंत्रालय री ओर ऊं आज नशा मुक्त भारत अभियान रा तैत नशा रे खिलाफ प्रतिज्ञा कार्यक्रम राख्यी ज्यो। प्रदेश मांय ई नशा मुक्त भारत अभियान रा तैत आज न्यारी-न्यारी ठौड़ां कार्यक्रम राख्यी ज्या। डूंगरपुर मांय सामाजिक न्याय अर अधिकारिता विभाग रा उप निदेशक कलेक्टर रा दफ़्तर मांय अहलकारां ने नशो नी करण री सौगंध दिरायी। शाहपुरा मांय जिला कलेक्टर अहलकारां ने नशा मुक्ति री शपथ दिरायी। ईं मौके विकसित भारत का मंत्र, भारत हो नशे से स्वतंत्र रा बारा मांय जाणकारी दीरीजी। सांचौर मांय जनता ने नशो नी करण री सौगंध दिरायी ज्यी। केकड़ी रा सरकारी कॉलेज मांय शपथ लेवण अर वाद विवाद होड़ रा कार्यक्रम राख्यी ज्या। आकाशवाणी समाचार जयपुर रा निदेशक निलेश कुमार कालभोर आज दफ़्तर मांय मौजूद अहलकारां अर कर्मचारियां ने नशो नी करण री सौगंध दिरायी।