दौसा मांय बाइपास कने बुधवार ने कार अर ट्रेलर री टक्कर रे कारण पांच जणां री मौत व्हे ग्यी अर दो जणा ज़ख्मी व्हे ग्या। दौसा रा डी.एस.पी. रवि प्रकाश शर्मा बतायो के कार मांय सवार लोग प्रयागराज महाकुंभ मांय जा र पाछा आ रह्या हा। उत्तर प्रदेश रा इटावा मांय ई कार अर ट्रक री टक्कर रे कारण भरतपुर ज़िला रा नदबई हलका रा तीन जणां री मौत व्हे ग्यी अर दो जणा घणा ज़ख्मी व्ह्े ग्या। अ लोग ई महाकुंभ मांय जा र पाछा आ रह्या हा। दूजी कानी बीकानेर ज़िला रा नोखा हलका मांय एक सरकारी स्कूल मांय खेलती बगत पाणी रा टैंक मांय पड़ जावण ऊं तीन टाबरियां री मौत व्हे ग्यी।