दौसा जिला रा लालसोट मांय दीतवार ने बेकाबू डम्पर बस स्टैण्ड माथे खड्या कोई 15 जणा ने टक्कर मार दी। इण हादसे मांय पांच जणा री मौके माथे मौत व्हेग्यी। जद की हादसा मांय दस जणा घायल व्हे ग्या। घायलां मांय सूं चार ने गंभीर अवस्था मांय लालसोट सूं जयपुर रैफर कर्यो गयो है, अठिने हादसे रे पाछे लोगां नाराजगी जताता व्ह्या प्रदर्शन भी कर्यो। सरूआती जाणकारी रे मुजब डम्पर रा ब्रेक फेल होणे सूं केई मोटरसाईकिल अर राहगीर बिणी चपेट मांय आ ग्या। इण हादसे ने लेर राज्यपाल हरिभाऊ बागडे गहरी संवेदना जतायी है।