दौसा जिला मांय बांदीकुई कने जोधपुरिया गांव मांय काल बोरवेल कने बण्या 35 फुट उण्डा खाडा मांय पड़ी 2 साल री टाबरी नीरू गुर्जर ने एसडीआरएफ अर एनडीआरएफ री टीम हिफाज़त सागे निकाळ लीनी। आ टाबरी खेलती बगत बोरवेल कने बण्या खाडा मांय पड़ ग्यी ही। टाबरी ने निकाळबा सारू राज्य अर राष्ट्रीय आपदा मोचन बल रा जवान मिल र बोरवेल मांय बीएलसी कैमरो डाल र बच्ची तांई ऑक्सीजन पूगायी। टेम-टेम परां टाबरी ने बोतल ऊं पाणी अर दूध दियो ज्यो। गुरूवार ने संवारे करीब 10 बज्यां एसडीआरएफ रा दो जवान संदीप कुमार अर बजरंग लाल बच्ची ने हिफाज़त सागे जीवती निकाळ लीनी।