देश मांय एक जुलाई ऊं विकसित भारत गारंटी फॉर रोज़गार एण्ड आजीविका मिशन यानि वीबी-जीरामजी लागू व्हे् जावेला। आ देश रा गांवाई हलकां मांय माली व्यवस्था ने समावेशी अर मज़बूत बणावण सारू मील रो पत्थर साबित व्हेला। वीबी-जीरामजी मनरेगा री ठोड़ लेवेला। ईं रा तैत गांवाई हलकां मांय लोगां ने एक सौ री बजाए सवा सौ दिन रा काम री गारंटी मिलेला। वीबी-जीरामजी रा तैत मजूरां ने हर हफ्ता मजूरी रो चुकारो सीधो खाता मांय कर्यो जावेला। तय मियाद मांय काम मुहैया नी करावण री सूरत मांय बेरोजगारी भत्ता अर मजूरी रा चुकारा मांय मोड़ो व्हेवण परां क्षतिपूर्ति रो वैधानिक प्रावधान ई करी ज्यो है। खेती-बाड़ी री रुत मांय बुवाई-कटाई सारू मजूरां री कमी रोकण सारू साठ दिन री राहत दीरीजी है। वीबी-जीरामजी गांवाई हलकां मांय आमदनी बधावण अर काम-धंधा री हिफाज़त मजबूत बणावण री दिशा मांय खास जतन है। वीबी-जी रामजी 2025 रा प्रावधानां ने मुजब काल ऊं काम रो बगत संवारे 9 ऊं सिंज्या 5 बजे तांई रेहवेला।