देवली-उनियारा विधानसभा हलका रा समरावता गांव मांय विधानसभा उपचुनाव सारु वोट पड़बा रे दिन 13 नवम्बर रा वाकया पाछे गांव रा नुमाइन्दा रो एक दल मंगलवार ने जयपुर मांय मंत्रियां रा समूह सागे बातचीत कीनी। ईं समूह मांय मंत्री किरोड़ी लाल मीणा, राज्य मंत्री कन्हैया लाल चौधरी अर जवाहर सिंह बेढम भेळा हा। बातचीत पाछे खबरनवीसां सागे बातचीत करता थकां मंत्री किरोड़ी लाल मीणा आरोप माण्ड्यो के राज्य री लारली सरकार जल्दबाज़ी मांय केई ज़िला अर तहसीलां बणायी, ज्यीं कारण ऐड़ा हालात बण्या। वे बतायो के समरावता समेत पांच पंचायतां रा 28 गांवां ने देवली उपखंड ऊं उनियारा उपखंड मांय शामिल करण परां एक राय बण ग्यी है। वे कह्यो के ईं मामला री जांच सीमित समय मांय संभागीय आयुक्त ऊं करावण समेत केई फैसला करी ज्या। मीणा कह्यो के गांव मांय ईं कारण व्ह्या नुकसाण री भरपायी करी जावेला अर पुलिस कानी ऊं पकड़ी ज्या निर्दोष लोगां ने छोड़्या जावेला। मंत्रियां सागे बातचीत करण वाळा प्रतिनिधिमंडल रा सदस्य संतोष जताता थकां कह्यो के वां री मांगां मान लीरीजी है।