देवली-उनियारा विधानसभा हलका मांय उपचुनाव रे दौरान निर्दलीय उम्मीदवार नरेश मीणा कानी ऊं एस.डी.एम. अर एरिया मजिस्ट्रेट अमित चौधरी सागे मारपीट रा मामला मांय पुलिस आरोपित ने गुरूवार ने गिरफ्तार कर लीनो। नरेश मीणा री गिरफ्तारी पाछे वां रा हिमायती टोंक ऊं सवाईमाधोपुर बीचे नेशनल हाईवे नम्बर-116 माथे अलीगढ़ कने जाम लगा दीनो अर नाराबाज़ी कीनी अर देवली-उनियारा हलका रा समरावता गांव री सड़कां माथे टायर बाळी ज्या। उपद्रव करण वाळां कानी ऊं पुलिस माथे हल्का पथराव पाछे जवाब मांय पुलिस आंसू गैस रा गोळा छोड्या। अजमेर रेंज रा आई.जी. ओम प्रकाश बतायो के ईं मामला मांय चार मुकदमा दर्ज करी ज्या अर साठ जणां ने गिरफ्तार करी ज्या है अर हलका मांय हालात काबू मांय है।इंर् बीचे कृषि मंत्री किरोड़ीलाल मीणा, नरेश मीणा रा हिमायतियां अर समरावता गांव री जनता सागे बातचीत करण सारू पूग्या। ईं मामला मांय नाराज़ आरएएस एसोसिएशन ई मारपीट रा आरोपित नरेश मीणा री गिरफ्तारी पाछे जयपुर रा शासन सचिवालय मांय दियो जा रह्यो धरनो खत्म कर दीनो है। ध्यानजोग है के नरेश मीणा माथे टोंक ज़िला रा समरावता मांय उपचुनाव रे दौरान बुधवार को एसडीएम सागे मारपीट करण रो आरोप है।