दीतवार ने विश्व आर्द्र भूमि दिवस है। इण री सरूआत साल 1971 मांय व्ही ही। जद पर्यावरणविदां आर्द्र भूमि यानि दलदली भूमि ने बचावण री अरज करी ही। इण साल आर्द्र भूमि दिवस रो मुद्दो है साझा भविष्य के लिए आर्द्र भूमि का संरक्षण। पर्यावरण विदां रो कहणो है के आर्द्र भूमि ऊं भविष्य री पीढ़ियां ने फायदा सारू इण प्राकृतिक पर्यावास ने बचावणो जरूरी है। झालावाड़ मांय ई मौके वेटलैंड बड़बेला तालाब मांय आयोजित करी ज्यो। कार्यक्रम मांय ज़िला कलेक्टर अजय सिंह राठौड़ कह्यो के प्रवासी पखेरूआं री आवक ने देखता अर वां रा स्वतंत्र विचरण सारू आर्द्र भूमि ने साफ-सुथरी राखणो चाहिजे। सवाईमाधोपुर मांय विश्व वेटलैंड दिवस रे मौके राजीव गांधी क्षेत्रीय प्राकृतिक विज्ञान संग्रहालय मांय चित्रकला होड़ व्ही। ध्यानजोग है के अजै ई यूनेस्को कानी ऊं उदयपुर ने वेटलैंड सिटी रो दर्जा दीरी ज्यो है। उठिने, पाली जिला रा गिरादड़ा मांय वनमंत्री संजय शर्मा ऑक्सीजोन हब री नींव धरी। इण मांय देश रा न्यारा-न्यारा हलकां मांय एक लाख ऊं बत्ती प्रजातियां रा पौधा लगाया जायेला अर घणा जंगल विकसित कर्या जायेला।