दिसंबर महीना मांय व्हेवण वाळी राइजिंग राजस्थान ग्लोबल इंवेस्टमेंट समिट ऊं पैली गुरूवार ने जयपुर मांय स्वास्थ्य प्री-समिट राख्यी ज्यी। मुख्यमंत्री भजनलाल री मौजूदगी मांय राख्यी ज्या ईं कार्यक्रम मांय स्वास्थ्य, चिकित्सा अर आयुष हलका रा निवेशकां सागे 16 हजार 176 करोड़ रुप्या रा निवेश ऊं जुड़्या करार करी ज्या। शुक्रवार ने करी ज्या न्यारा-न्यारा करार सागे स्वास्थ्य हलका मांय हाल तांई मिल्या निवेश प्रस्तावां रो आंकड़ो 25 हजार 400 करोड़ रुप्या ऊं बत्तो व्हे ग्यो है। गुरूवार ने स्वास्थ्य अर चिकित्सा हलका मांय 14 हजार करोड़ रुप्या अर आयुष हलका मांय 2 हजार 157 करोड़ रुप्या रा निवेश ऊं जुड्या करार माथे सही करीजी। ईं सागे ई राजनिवेश पोर्टल माथे 57 हजार करोड़ रुप्या रा निवेश प्रस्ताव मिल्या है। कार्यक्रम मांय मुख्यमंत्री भजन लाल शर्मा कह्यो के वां रा कार्यकाल रा पहला ही साल मांय निवेश शिखर सम्मेलन राख र सरकार न केवल करार माथे सही कीनी है बल्कि आवता 3-4 साल मांय वां माथे काम करण री मंशा ई साफ कर दीनी है। मुख्यमंत्री कह्यो के स्वास्थ्य हलका मांय निवेश करीजी रकम जनता री पीड़ा कम करण बाबत काम करेला।