थावर ने गणेश चौथ रो पर्व मनायो जावेला। ईं मौके गणेश जी रा न्यारा-न्यारा मिंदरां मांय 10 दिन तांई चालण वाळा खास अनुष्ठान सरू व्हेला। ईं मौके गणेश मिंन्दरां मांय सोहवणी सजावट करीज्यी है अर झांकियां सजाई ज्यी है। सवाईमाधोपुर जिला रा जूना त्रिनैत्र गणेश मिन्दर मांय मोटी तादाद मांय जातरू पूग रह्या है। म्हाणा सवाईमाधोपुर खबरनवीस बतायो के रणथम्भौर त्रिनैत्र गणेश मिन्दर मांय तीन दिन रो मेळो भर रह्यो है। गणेश चौथ रे मौके घर मांय गणेश जी री मूरत बिठावण सारू मोकळा लोग गणेश जी री मूर्तियां खरीद रह्या है। डूंगरपुर मांय एक पर्यावरण प्रेमी कलाकार गारा अर गाय रा गोबर ऊं गणेश जी री सोहवणी मूर्तियां बणायी है। गारा, दूध, गोबर अर गौमूत्र ऊं बणायी ज्यी ऐ मूर्तियां पर्यावरण, पाणी अर पाणी मांय रेहवण वाळा जीवां ने नुकसान नी पूगावे है। पाली मांय गणेश जी री मूर्तियां बिठावण सारू पाणी ऊं बचाव करण वाळा खास पंडाल बणायी ज्या है। राज्यपाल हरिभाऊ किशनराव बागडे़ गणेश चौथ रे मौके जनता ने शुभकामनावां दीनी है। वे भगवान गणेश जी ऊं देश- प्रदेश री बरकत अर खुशहाली री प्रार्थना कीनी।