त्यौहारां रे मौके मुसाफ़िरां री बत्ती तादाद ने ध्यान राखता उत्तर पश्चिम रेलवे री ओर ऊं 48 खास गाड़िया चलायी जा रही है। ईं सागे ई न्यारी-न्यारी रेलगाड़ियां मांय कुछ बगत सारू 148 डिब्बा और जोड़ी ज्या है। उत्तर-पश्चिम रेलवे रा मुख्य जनसंपर्क अधिकारी कैप्टन शशि किरण आ जाणकारी दीनी। वे बतायो के दीवाळी अर छठ पूजा समेत न्यारा-न्यारा त्यौहारां रे मौके मुसाफिरां री बत्ती तादाद ने ध्यान रखता थकां व्यवस्थावां चाक-चौबंद राखण बाबत् खास अभियान चलायो जा रह्यो है। ईं रा तैत चालती गाड़ी मांय चढबा री कोशिश करण वाळां ने रोकण सारू प्लेटफॉर्म माथे रेलवे सुरक्षा बल रा और जवान तैनात करी ज्या है।