डीग रा सांझी कलाकार आयुष सोनी रो नाम World Book of records, London मांय दर्ज करी ज्यो है। वां ने बेहतरीन सांझी कला सारु यूनाइटेड किंगडम पार्लियामेंट री ओर ऊं बुला र ओ मान दियो ज्यो। सांझी कला ब्रज हलका री कागज काटण री पारंपरिक, स्टेंसिल कला है। भगवान कृष्ण रा प्रति गहरी आस्था ऊं जुड़ी ईं कला मांय सांझी कलाकार खास तौर ऊं बणायी ज्यी कैंची अर बारीक पत्ती काम ले र मोर, गाय अर पौराणिक दृश्यां रा जालीदार रूपांकन उकेरे है। आयुष सोनी ने ईं अद्भुत कला सारु देश-परदेश रा केई मंचां ऊं अवॉर्ड ऑफ एक्सीलेंस दे र नवाजी ज्यो है। वे कागज माथे केई कट लगा र सुंदर कलाकृतियां उकेरे है, ज्यां री सराहवणा यूरोप तांई व्हे रही है