टोबैको फ्री यूथ कैंपेन 2.0 रा तैत मंगलवार ने पाली मांय मीडिया कार्यशाला राख्यी ज्यी। ईं मौके सी.एम.एच.ओ. डॉ. विकास मारवाल बतायो के नवाचार रा तहत कॉफी मग माथे जिंदगी चुनो तंबाकू नहीं टैगलाइन अर लोगो छापी ज्या है, जो दफ्तर मांय जनता ने तंबाकू ऊं बणी चीजां काम लेवणी छोडबा सारू सीख देवेला। ईं रे अलावा टोबैको फ्री यूथ कैंपेन 2.0 रा तैत नुक्कड़ नाटक, भाषण होड़, रैली अर तंबाकू से मुक्ति शपथ सरीखा कार्यक्रम राख्या जावेला। ईं सागे ई तंबाकू मुक्त ग्राम पंचायत अर तंबाकू नियंत्रण एम्बेसडर ई नामित कर्या जावेला। अलवर मांय ई ईं अभियान रा बारा मांय मंगलवार ने मुख्य चिकित्सा अर स्वास्थ्य अधिकारी डॉ. योगेन्द्र कुमार शर्मा खबरनवीसां ने विगतवार जाणकारी दीनी।