झालावाड़ ज़िला रा झालरापाटन मांय राज्य स्तर रो श्री चन्द्रभागा (कार्तिक) पशु मेळो मंगलवार ने सरू व्हेला। 20 नवम्बर तांई भरण वाळा ईं मेळा रो ज़िला कलेक्टर अजय सिंह राठौड़ उद्घाटन करेला। म्हाणा खबरनवीस बतायो के ईं सागे ई झालरापाटन मांय तीन दिन रो पर्यटक मेळो ई भरेला। दूजी कानी बाड़मेर जिला रा शिव हलका रा कोटड़ा गांव मांय भर रह्या राणा बाघ जी रा पशु मेळा मांय ऊंटां अर घोड़ां री खरीद-फरोख्त करी जा रही है। मेळा मांय ढ़ांढ़ा-ढ़ोरां रा करतब सगळां रो ध्यान खींच रह्या है। ओ मेळो 14 नवम्बर ने पूरो व्हेला।