जोधपुर री पारंपरिक मोजड़ी ने जी.आई. टेग मिल ग्यो है। केन्द्र सरकार री ज्योग्राफिकल इंडिकेशन रजिस्ट्री जोधपुर हैंडीक्राफ्ट एक्सपोर्ट एसोसियेशन अर ग्राम विकास सेवा संस्थान ने ओ सर्टिफिकेट सूंप्यो। जोधपुर री मोजड़ी री पररंपरिक कारीगरी, हाथ ऊं करी ज्यी बारीक कढ़ाई, टिकाऊपन अर खास डिजाइन सारु आखी दुनिया मांय खास ओळखाण राखे है। जोधपुरी मोजड़ी रा करीब 200 साल जूना काम रो मौजूदा देशी बाज़ार मांय करीब 100 करोड़ रुप्या रो कारोबार है, जद के करीब 10 करोड़ रुप्या री मोजड़ियां परदेश मांय बिक रही है। जीआई टैग मिलण ऊं परदेश मांय इण री मांग मांय बधोतरी रा आसार है।