जोधपुर मांय केन्द्रीय रिजर्व पुलिस बल रा नव आरक्षी प्रशिक्षण केन्द्र मांय थावर ने 478 नुवा आरक्षियां रो 44 सप्ताह रो सघन बुनियादी प्रशिक्षण शिविर पूरो व्ह्यो। ईं मौके राख्यी ज्यी दीक्षांत परेड री केन्द्रीय रिजर्व पुलिस बल री राजस्थान सेक्टर री महानिरीक्षक डॉ. अर्चना शिवहरे सलामी लीनी। ईं मौके वे कह्यो के बुनियादी सिखावण रो मकसद नुवा भर्ती व्ह्या रंगरूटां री जिन्दगी मांय अनुशासन लावणो अर वां ने शारीरिक अर मानसिक तौर ऊं मजबूत बणावणो है। केन्द्र रा प्राचार्य पुलिस उप महानिरीक्षक अशोक स्वामी बतायो के 16 अक्टूबर, 2023 ने सरू व्ही सिखावण रा तैत आं रंगरूटां ने शारीरिक प्रशिक्षण, ड्रिल, हथियार चलावण अर नक्शा समझण समेत न्यारी-न्यारी सिखावण दीरीजी।