जैसलमेर, जोधपुर अर बाड़मेर रा कुछ हलकां मांय चौमासा री इंर् रूत री बिरखा अब लगभग खत्म व्हे ग्यी है। सामान्यतः 17 सितम्बर ऊं बिरखा बंद व्हे जावे है पण ईं दफा 6 दिन मोड़ी बंद व्ही है। ईं बीचे प्रदेश रा ऊगणी हलकां मांय हाल ई चौमासा री बिरखा व्हे रही है। दूजी कानी राज्य मांय घणखर ठोड़ां बिरखा रूक जावण ऊं पारो ओजू चढ़बा लाग्यो है। सोमवार ने केई ठोड़ां पारो 40 डिग्री सैल्सियस तांई पूग ग्यो, ज्यीं कारण गर्मी रो असर ओजू बध ग्यो। मौसम केन्द्र जयपुर रा निदेशक राधेश्याम शर्मा बतायो के राज्य रा ऊगणी हलकां मांय हाल तांई करीब एक सप्ताह और चौमासा री बिरखा रा आसार है।