जयपुर स्थापना दिवस समारोह शुक्रवार ने मोती डूंगरी गणेश मिंदर मांय गणपति री पूजा सागे सरू व्ह्यो। ईं रा तैत नगर निगम हेरिटेज री ओर ऊं एक महीना तांई रोजीना न्यारा-न्यारा कार्यक्रम राख्या जावेला। नगर निगम री महापौर कुसुम यादव बतायो के ईं रा तैत राजस्थानी कार्यक्रम, सूफी कार्यक्रम, हैरिटेज वॉक, कत्थक नृत्य अर बॉक्स क्रिकेट सरीखा कार्यक्रम राख्या जावेला। वे बतायो के 21 अक्टूबर ने जल महल री पाल माथे सांस्कृतिक कार्यक्रम राख्या जावेला। 22 अक्टूबर ने बड़ी चौपड माथे कव्वाली रो कार्यक्रम व्हेला। ई सागे ई बॉलीवुड नाईट, भजन संध्या अर कवि सम्मेलन ई राख्या जावेला।