जयपुर रा होम्योपैथी विश्वविद्यालय रो दीक्षांत समारोह गुरूवार ने राख्यी ज्यो। इण मांय राज्यपाल हरिभाऊ बागड़े अर केन्द्रीय आयुष मंत्री प्रताप राव जाधव 760 विद्यार्थियां ने उपाधियां दे र नवाज़ा। कार्यक्रम मांय चिकित्सा अनुसंधान अर स्वास्थ्य सेवा रा हलका मांय बेहतरीन काम करण वाळां रो लाइफ टाइम अचीवमेंट अवार्ड दे र मान करी ज्यो। जळसा मांय विश्वविद्यालयां रा कुलाधिपति कह्यो के भारत मांय गुजर्या ज़माना ऊं ई ईलाज ऊं जुड़ी ज्ञान परम्परा रही है। वे होम्योपैथी ने ईलाज रो कारगर तरीको बताता थकां अनुसंधान रा आदर्श सागे आगे बधावण री अरज कीनी। कार्यक्रम मांय केन्द्रीय आयुष मंत्री प्रताप राव जाधव कह्यो के होम्योपैथी ने ईलाज रा तरीका रा तौर ऊं आखी दुनिया मांय अपनाई ज्यी है। वे नौजवानां ऊं बेहतर स्वास्थ्य सेवा मुहैया करावण मांय योगदान देवण री अरज कीनी।