जयपुर मांय शुक्रवार सूं आयुर्वेद कुंभ “संयोजनम् 2024“ री सरूआत व्ही। तीन दिन चलबा वाळा इण कार्यक्रम री सरूआत ऊर्जा मंत्री हीरालाल नागर अर जयपुर सांसद मंजू शर्मा कर्या। ईण मौके एन.सी.एस.एम. रा चेयरमैन जयंत देव पुजारी, राष्ट्रीय आयुर्वेद संस्थान रा कुलपति प्रो. संजीव शर्मा भी मौजूद रह्या। कार्यक्रम ने संबोधित करता थकां ऊर्जा मंत्री कह्या के आयुर्वेद चिकित्सा पद्धति म्हाने जीवन जीबा री कला सिखाबे है। वे कह्या के आयुर्वेद री कानी लोगां मांय जाग जगाबा खातर अभियान चलाना पडेला। राष्ट्रीय आयुर्वेद संस्थान परिसर मांय शुरू व्ह्या इण कार्यक्रम मांय देशभर रा करीब तीन हजार सूं बत्ता आयुर्वेद शोधार्थी, डॉक्टर अर शिक्षक भाग ले रह्या है।कार्यक्रम मांय आयुर्वेद सूं जुड़्या नवाचार र्स्टार्टअप्स अर प्रकृति परीक्षण री जाणकारी दी जा रही है।