जयपुर मांय शुक्रवार ने जयपुर दिवस समारोह सरू व्हेला। ईं रा तैत जयपुर नगर निगम हेरिटेज री ओर ऊं एक महीना तांई रोजीना भांत-भांत रा कार्यक्रम राख्या जावेला। जयपुर नगर निगम हेरिटेज री महापौर कुसुम यादव बतायो के जयपुर स्थापना दिवस रा जळसा री सरुआत संवारे मोती डूंगरी गणेश मिंदर मांय पूजन सागे व्हेला। यादव बतायो के जयपुर दिवस समारोह मांय राजस्थानी रीति-रिवाज अर संस्कृति ऊं जुड्या राजस्थानी कार्यक्रम, सूफी कार्यक्रम, हेरिटेज वॉक, कत्थक नृत्य अर बॉक्स क्रिकेट रा आयोजन राख्या जावेला। महापौर बतायो के 21 अक्टूबर ने जल महल री पाल माथे सांस्कृतिक कार्यक्रम राख्या जावेला। 22 अक्टूबर ने बड़ी चौपड़ माथे कव्वाली रो कार्यक्रम व्हेला। ईं सागे ई हिन्दी फिल्मां ऊं जुड़्यो कार्यक्रम, भजन संध्या अर कवि सम्मेलन रा कार्यक्रम ई राख्या जावेला।