जयपुर मांय दीतवार सूं भारत रंग महोत्सव सरू व्ह्यो। पांच दिन तांई चालवा वाळां इण थियेटर फेस्टिवल मांय स्पेन, इटली, ताईवान अर चैक रिपब्लिक सूं आया कलाकारां री नाट्य प्रस्तुति व्हेला। महोत्सव रा पैला दिन आज नॉर्वे रा रंगकर्मी द रोज़ नाटक रो मंचन कर रह्या है। यो रंग महोत्सव संस्कृति मंत्रालय अर राष्ट्रीय नाट्य विद्यालय री कानी ऊं राजस्थन इन्टरनेशन सेंटर मांय कर्यो जा रह्यो है। एन.एस.डी. रा निदेशक चितरंजन त्रिपाठी बताया के एक रंग-श्रेष्ठ रंग ने अपनाता थकां इण रो आयोजन कर्यो जा रह्यो है। वे कह्या के रंगमंच सगळां लोगां ने जोड़े है। इण रे सागे ई रंगमंच रचनात्मकता उत्कृष्टता अर एकता रो उत्सव मनावे है।