जयपुर मांय थावर ने कोन्स्टीट्यूशन क्लब री सरूआत व्ही। लोकसभा अध्यक्ष ओम बिरला अर मुख्यमंत्री भजनलाल शर्मा इण रो उद्घाटन कीनो। ईं मौके लोकसभा अध्यक्ष कह्यो के लोकतंत्र री मजबूती सारु बातचीत जरूरी है। श्री बिरला विधानसभा, नगर निकाय अर पंचायत स्तर री सगळी लोकतांत्रिक संस्थावां मांय चर्चा अर संवाद री रीत बणायी राखण माथे जोर दीनो। लोकसभा स्पीकर कह्यो के कोन्स्टीट्यूशन क्लब बातचीत रो खास मंच बण र लोकतंत्र ने मज़बूती देवेला। ईं मौके मुख्यमंत्री भजन लाल शर्मा कह्यो के कोन्स्टीट्यूशन क्लब लोकतंत्र रा मूल सिद्धांतां अर जनप्रतिनिधित्व ने मज़बूत बणावण री कोशिश है। उद्घाटन जळसा मांय केन्द्रीय कृषि अर कृषि कल्याण राज्य मंत्री भागीरथ चौधरी, विधानसभा अध्यक्ष वासुदेव देवनानी, केई कैबिनेट मंत्री अर विधायक मौजूद रह्या।