जयपुर मांय तीन मार्च ऊं व्हेवण वाळा एशिया-प्रशांत हलका रा थ्री आर अर सर्कुलर इकोनॉमी फोरम री तैयारियां ने आखिरी रूप दियो जा रह्यो है। राजस्थान इंटरनेशनल सेंटर मांय व्हेवण वाळा तीन दिन रा ईं आयोजन मांय न्यारा-न्यारा देशां रा नेता अर जाणकार लगातार विकास अर कार्बन तटस्थता री दिशा मांय सर्कुलर सोसायटी ने आकार देवण रा बारा मांय चर्चा करेला। इण रो मकसद एशिया अर प्रशांत हलका मांय थ्री आर यानि रिड्यूज़, रियूज़ अर रिसाइकल ने बधावो देवणो है। ईं फोरम रा इंडिया पेवेलियन मांय देश रा खास मंत्रालयां अर राष्ट्रीय मिशनां री उपलब्धियां रो दरसाव कर्यो जावेला।