जयपुर मांय गुरूवार ने देश-परदेश रा जाणकार बिजली एक ऊं दूजी ठौड़ भेजण री नुवी तकनीक ने बधावो देवण रा बारा मांय विचार कीनो। भारतीय उद्योग परिसंघ-सीआईआई री ओर ऊं राख्यी ज्यी राजस्थान एनर्जी समिट मांय नवीकरणीय ऊर्जा सुरक्षा, निवेश अर हरित विकास समेत न्यारा-न्यारा मुद्दां माथे चर्चा करी ज्यी। ईं मौके मुख्य सचिव वी. श्रीनिवास प्रदेश मांय हरित ऊर्जा पैदा करण ऊं जुड़ी कोशिशां री जाणकारी दीनी। वे कह्यो के राज्य मांय ऊर्जा हलका मांय सुधार री घणी संभावना है। पी.एम. सूर्य घर योजना रा तैत पांच लाख घरां ने यू.ए.एल. माॅडल माथे सूरज रो रोशनी ऊं बिजली बणावण रा काम ऊं जोड़्या जावेला। खबरनवीसां सागे बातचीत करता थकां मुख्य सचिव कह्यो के प्रदेश मांय ग्रीन एनर्जी ट्रांजिशन काॅरिडोर बणायो जा रह्यो है। ईं मौके सीआईआई राजस्थान रा चैयरमेन रजनीश भंडारी कह्यो के आवता बगत मांय बत्ती बिजली बणावण ऊं ई देश मज़बूत बणेला। वे दक्षता सागे बिजली काम लेवण माथे ई ज़ोर दीनो।