जयपुर मांय सोमवार ने क्षेत्रीय राजभाषा सम्मेलन व्हेला। गृह मंत्रालय रा राजभाषा महकमा री कानी ऊं ओ सम्मेलन मध्य, पश्चिम अर उत्तरी हलका कानी ऊं भेळा मांय राख्यो जा रह्यो है। गृह मंत्रालय री संयुक्त सचिव डॉ. मीनाक्षी जौली आज जयपुर मांय प्रेस वार्ता मांय बताया के इण सम्मेलन रो लगस सरकारी अर प्रशासनिक कामकाज मांय हिन्दी भाषा रा प्रचार-प्रसार ने बढ़ावो देणो है। इण रे सागे ही हिन्दी ने तकनीकी रूप ऊं समृद्ध अर व्यापक बणाबा खातर कर्या गया नया कामां री समीक्षा करणो है। सीतापुरा रा जेईसीसी मांय होबा वाळा इण सम्मेलन मांय केंद्रीय गृह राज्य मंत्री नित्यानंद राय अर मुख्यमंत्री भजनलाल शर्मा हिस्सो लेवेला। इण सागे ही न्यारा न्यारा महकमा, बैंक अर उपक्रमां रा ठावा अधिकारी मौजूद रेहवेला।