जयपुर मांय शुक्रवार ने रोजगार सहायता शिविर लगायो जावेला। कौशल, रोजगार अर उद्यमिता विभाग री ओर ऊं लगाया जावण वाळा ईं शिविर मांय न्यारा-न्यारा हलकां री करीब 55 गैर-सरकारी कम्पनियां तीन हजार ऊं बत्ता रीता ओहदां सारु योग्य उम्मीदवारां ने नौकरी रा प्रस्ताव देवेला। शिविर मांय बणाई-चुणाई, होटल, बैंकिंग, सूचना प्रौद्योगिकी, फार्मा, ई-कॉमर्स, रिटेल अर दूजा हलकां मांय नौकरी रा मौका दिया जावेला। शिविर संवारे दस बज्यां ऊं चित्रकूट स्टेडियम मांय राख्यो जावेला। शिविर मांय दसवीं, बारहवीं, स्नातक, आईटीआई, डिप्लोमा, नर्सिंग अर दूजी काबिलियत वाळा उम्मीदवार ज़रुरी कागज़ात सागे शिविर मांय भाग ले सके है ।