जयपुर मांय ऐतिहासिक हवा महल रे सामी फोटो खींचण री ठौड़ विकसित करी जावेला। उपमुख्यमंत्री दिया कुमारी ईं सारू अहलकारां ने हुकम दीना है। वे आज जयपुर रा चारदीवारी हलका अर सैर-सपाटा री निजर ऊं खास ठौड़ां रो दौरो कीनो। दिया कुमारी त्रिपोलिया गेट, छोटी चौपड़ अर किशनपोल बाज़ार समेत खास बाजारां अर जल महल ऊं आमेर मावठा तांई रा हलका रो दौरो कीनो अर बेतरतीब तरीका ऊं लाग्योड़ा तारां ने हटावण रा हुकम दीना। वे किशनपोल बाजार रा महाराजा स्कूल ऑफ आर्ट अर जल महल री पाल ने ओजू विकसित करण रा हुकम ई दीना। उपमुख्यमंत्री कह्यो के गुलाबी नगर मांय जर्जर इमारतां ऊं जुड़ी जरूरी कार्रवाई करी जावेला। वे कह्यो के जयपुर मांय सैलानियां रा सुबीता सारू खास बसां चलायी जावेला।