चैमासा री बिरखा सरु व्हेवण ऊं पैली राज्य मांय आवता चार-पांच दिन तांई कठे-कठे गरज-चमक सागे ज़ोरदार बायरो बाजण अर बरसात व्हेवण रा आसार है। आवता महीना रा पहला सप्ताह मांय प्रदेश रा केई हलकां मांय बिरखा बधबा रा आसार है। ईं बीचे गुरूवार ने दोपहरां पाछे राजधानी जयपुर मांय आंधी सागे करीब पौन घंटा तांई झमाझम मेह बरस्यो, जिण ऊँ केई ठौड़ां पाणी भर ग्यो। कोटपुतली-बहरोड़ मांय ई आंधी चालण सागे छांटो-छिड़को व्ह्यो। गुरूवार ने भरतपुर, नागौर, सीकर, चूरू अर श्रीगंगानगर रा कुछ हलका मांय एक-एक ईंच अर वां ऊँ बत्ती बिरखा व्ही।