चूरू जिला रा सरदारशहर मांय चूरू-हनुमानगढ़ मेगा हाईवे माथे बुधवार ने तड़के व्ह्या एक सड़क हादसा मांय 5 जणां री मौत व्हेगी अर दो जणा घणां ज़ख्मी व्हे ग्या। बुकनसर फांटा कने हनुमानगढ़ री ओर ऊं आ रह्या कैंटर अर कार री आमी-सामी टक्कर मांय कार मांय सवार लोग बुरी तरह फंस ग्या, ज्यां ने निकाळबा सारू क्रेन बुलाणी पड़ी। ज़ख्मी लोगां ने बीकानेर रैफर करी ज्या है। कार मांय सवार लोग सरदारशहर ऊं हनुमानगढ़ ओड़ी जा रह्या हा। सवाईमाधोपुर जिला रा बौंली हलका मांय दिल्ली मुंबई एक्सप्रेसवे माथे बुधवार ने एक कार पलट जावण ऊं दो जणा री मौत व्हे ग्यी। एक ही पिरवार रा अ दोन्यू जणा गुरुग्राम रा रेहवासी हा।