चिकित्सा मंत्री गजेन्द्र सिंह खींवसर कह्यो है कि जोधपुर रा पावटा सेटेलाईट अस्पताल मांय प्रसूतावां रा इलाज मांय पूरी सावचेती बरती जाय री है। विशेषज्ञा री देखरेख मांय वां रो ईलाज कर्यो जावे। मीडियां साथे बतळ मांय चिकित्सा मंत्री कह्यो के कोटा, बीकानेर अर जोधपुर रा मामला न्यारा-न्यारा है इण ने एक दूजा ऊँ जोड ने नी देख्यो जावणो चाहिजे। प्रसूतावां रा स्वास्थ्य ने ले र जिला कलेक्टर आलोक रंजन मेडिकल काॅलेज रा प्राचार्य डाॅ. बी.एस. जोधा अर दूजा डाॅक्टरां रे साथै मीटिंग करी। मामला री जांच सारू कमेटी बणायी ज्यी है।