चिकित्सा मंत्री गजेंद्र सिंह खींवसर गुरूवार ने जोधपुर रा खास-खास अस्पतालां रो दौरो कर र व्यवस्थावां रो जायजो लीनो। वे मथुरादास माथुर अस्पताल अर महात्मा गांधी अस्पताल रो दौरो कर र मरीजां सागे बातचीत कीनी। श्री खींवसर आं अस्पतालां रा अधीक्षकां ने ईलाज रा सुबीता बेहतर राखण अर मरीजां रा ईलाज रा सगळा माकूल इंतजामात तैय करण रा हुकम दीना। चिकित्सा मंत्री अस्पताल मांय फूड कोर्ट सरू करण अर साफ-सफाई रो खास ध्यान राखण बाबत ई कह्यो।