चिकित्सा अर स्वास्थ्य मंत्री गजेन्द्र सिंह खींवसर आज जयपुर मांय टोबैको फ्री यूथ कैंपेन 2.0 रा पोस्टर रो विमोचन कर र अभियान री सरूआत कीनी। ईं मौके चिकित्सा मंत्री 60 दिन रा तंबाकू मुक्त अभियान रो ऐलाण करता थकां नौजवानां अर बच्चां मांय तंबाकू ऊं बण्या सामान काम लेवण माथे चिंता जतायी। चिकित्सा मंत्री सगळा ऊं राजस्थान ने तंबाकू मुक्त बणावण री जिम्मेदारी निभावण री अपील कीनी। कार्यक्रम मांय राष्ट्रीय स्वास्थ्य मिशन री निदेशक डॉ. भारती दीक्षित तंबाकू मुक्त अभियान री कामयाबी सारू नीतियां ने करड़ाई ऊं लागू करण माथे जोर दीनो।