स्काॅटलैंड रा ग्लासगो मांय चाल रह्या राष्ट्रमंडल खेलां मांय भारत रा खिलाड़ी भाला फैंक, तीन दफा कूद, जूडो अर मुक्केबाज़ी री होड़ां मांय तमगा जीत्या है। महिलावां री मुक्केबाज़ी मांय प्रीति पंवार अर जैस्मीन लंबौरिया सोना रा, रजत चैपड़ा चांदी रो अर यशवीर सिंह कांसा रो तमगो जीत्यो। राष्ट्रपति द्रौपदी मुर्मू, प्रधानमंत्री नरेन्द्र मोदी अर खेल मंत्री मनसुख मांडविया समेत न्यारा-न्यारा देश रो माथो ऊंचो करण वाळां आं खिलाड़ियां री मेहनत अर शानदार खेल री सराहवणा कीनी है। ईं बीचे भारत री मुक्केबाज अर कोटा री बेटी अरूंधति चैधरी रो इंग्लैंड री चेंटेल रीड ऊं मुकाबलो व्हेला। सोना रा आठ, चांदी रा पन्द्रह अर कांसा रा सात तमगां सागे पदक तालिक मांय भारत फिलहाल छठी ठौड़ माथे है।